This devotional bhajan narrates the humble devotion of Karma Bai, a simple village woman, whose sincere service and pure-hearted offering move the Lord to personally accept her food (Naivedya).
यह भक्ति भजन कर्मा बाई की सरल और निश्छल भक्ति का वर्णन करता है, जहाँ गाँव की एक साधारण स्त्री के प्रेमपूर्ण सेवा-भाव से प्रभु स्वयं भोजन स्वीकार करते हैं। गीत भक्ति, विनम्रता और निष्काम सेवा की महिमा को उजागर करता है।
बापू म्हाने भोलाय गयो पूजा, गांव गयो दूजा, जीमोतो कांई आंटजी।
करमा म्हारो नाम यो ही है म्हारो गाँव में बेटी जाट की ।।
उढ सी में स्नान में कीनो, खोल मंदिर बुहारो दीन्यो ।
ल्याई धोलती गाय रो दूध, उठो प्रभु मुंडो धोय कर पील्यो ।।
फिर जीमो खीचडो आप, घी री कांइ बात, कढी तो घालुं छाछ की ।।
करमा म्हारो नाम…
काल थारे ताई सीरो में बणासुं, पाणी मीठोडे कुवे को ल्यासुं।
मुंगा री दाल ज्या में घी री राल, थांने छोटा छोटा फलका जीमासुं ।
थांने भावे सो ही ले लीज्यो, म्हाने कह दीज्यो, कमी ना कोई बात की
करमा म्हारो नाम…
थांरा कैया कैया हुकम बजास्युं, थे जीमल्यो तो पछे रोटी खास्यु ।
थारे धाबलीये रो परदो लगास्युं, में तो पींठ फेर बैठ ज्यासुं।
प्रभु रूच-रूच भोग लगावे, देखती जावे, सुरतिया श्याम की
करमा म्हारो नाम…
करमा बोली और कांई ल्याऊ, थे जीमल्यो तो चळूं में कराऊँ।
काल जल्दी जीमण ने आज्यो, में तो डोबा की राबडी बणस्युं ।
प्रभु बोले आज में जाऊं, काल बेगो आऊं, बात बड़ी प्रेम की॥
करमा म्हारो नाम…
बापू बार गांव से आयो, करमा सारो हाल सुणायो ।
बापू सुणके अचम्भे आयो, करमा कहे हरी घर आयो ।
इतने में प्रभुजी आ ज्यावे, भरम मिट ज्यावे, अर्ज शीवलाल की।
करमा म्हारो नाम…
Bapu Mhane Bholay Gayo Pooja, Gaav Gayo Dooja, Jeemto Kaai Aantji.
Karma Mharo Naam, Yo Hi Hai Mharo Gaav Mein Beti Jaat Ki.
Udh See Mein Snaan Mein Keeno, Khol Mandir Buharo Deenyo.
Lyai Dholti Gaay Ro Doodh, Uthho Prabhu Mundo Dhoy Kar Peelyo.
Phir Jeemo Kheechdo Aap, Ghee Ri Kaai Baat, Kadhi To Ghaalun Chhaach Ki.
Karma Mharo Naam, Yo Hi Hai Mharo Gaav Mein Beti Jaat Ki.
Kaal Thare Taai Seero Mein Banaasun, Paani Meethode Kuve Ko Lyaasun.
Moonga Ri Daal Jya Mein Ghee Ri Raal, Thaane Chhota Chhota Phalka Jeemaasun.
Thaane Bhaave So Hi Le Leejyo, Mhane Keh Deejyo, Kami Na Koi Baat Ki.
Karma Mharo Naam, Yo Hi Hai Mharo Gaav Mein Beti Jaat Ki.
Thaara Kaiya Kaiya Hukam Bajaasyun, The Jeemlyo To Pachhe Roti Khaasyun.
Thaare Dhaabliye Ro Pardo Lagaasyun, Mein To Peenth Pher Baith Jyaasyun.
Prabhu Rooch-Rooch Bhog Lagaave, Dekhti Jaave, Suratiya Shyam Ki.
Karma Mharo Naam, Yo Hi Hai Mharo Gaav Mein Beti Jaat Ki.
Karma Boli Aur Kaai Lyaau, The Jeemlyo To Chaḷoon Mein Karaau.
Kaal Jaldi Jeeman Ne Aajyo, Mein To Doba Ki Raabdi Banasyun.
Prabhu Bole Aaj Mein Jaaun, Kaal Bego Aaun, Baat Badi Prem Ki.
Karma Mharo Naam, Yo Hi Hai Mharo Gaav Mein Beti Jaat Ki.
Bapu Baar Gaav Se Aayo, Karma Saaro Haal Sunaayo.
Bapu Sunke Achambhe Aayo, Karma Kahe Hari Ghar Aayo.
Itne Mein Prabhujii Aa Jyaave, Bharam Mit Jyaave, Arj Shivalal Ki.
Karma Mharo Naam, Yo Hi Hai Mharo Gaav Mein Beti Jaat Ki.
Let others know about this!
इसे दूसरों के साथ साझा करें!